Հատվածներ ԲՀԿ-ական պատգամավոր Ռուբեն Գեւորգյանի՝ Ծաղիկ Ռուբոյի հետ հարցազրույցից
– Պարոն Գեւորգյան, Դուք է՞լ եք այն կարծիքին, որ վերջին աղմկոտ ձերբակալությունները «վերեւից» են հրահանգված, եւ սա ուղղված է ԲՀԿ-ին հնազանդեցնելուն։
– Ես կարող եմ մի բան ասել, դա իմ կարծիքն է՝ որպես քաղաքական գործչի եւ ԲՀԿ պատգամավորի։ Ոստիկանապետը՝ Վլադիմիր Գասպարյանը, լինելով աստվածավախ եւ հավատով լցված տիրոջ նկատմամբ, կարծում եմ, որ իր կողմից կիրառվող ամեն մի գործողություն քննարկման կդնի տիրոջ պատվիրաններից չշեղվելու համար, եւ չեմ կարծում, որ նա ոչ երկնային տիրոջ սկզբունքներին ծառայելու համար իր կողմից ստանձնած երկնայիև ճերմակ դաշտի մեջ սեւ կքաշի։
– Հետապնդումները սկսվեցին ՀԱԿ վերջին հանրահավաքից հետո, երբ ՀԱԿ առաջնորդը քաղաքագիտական թեզ ներկայացրեց ՀԱԿ-ԲՀԿ հնարավոր համագործակցության վերաբերյալ… Կուսակցությունում գուցե քննարկվե՞լ է այդ թեզը։
Կարդացեք նաև
– Իհարկե ոչ։ Իսկ երկրի առաջին նախագահի հայտարարությունը ԲՀԿ–ի մասով առաջին հերթին ցույց է տալիս, որ, լինելով ընդդիմության առաջնորդ, չի խուսափում, որ ԲՀԿ–ն երկրի քաղաքական դաշտում հանդիսանում է ամենահզոր, ժողովրդի կողմից սիրված, իշխանությունների այս ծանր վիճակից երկիրը հանելու, քաղաքական շոգեքարշի դերում ընկալվող միակ ուժը։ Ըտենց չի՞ արտահայտվել։ Լավ, էդ շոգեքարշն էլ ես ավելացրեցի:
Լուսինե ՇԱՀՎԵՐԴՅԱՆ
«Հրապարակ»
