Ինչպես հաղորդում է Associated Press-ը՝ Իրանի իշխանությունները դեկտեմբերի 1-ին ազատ են արձակել նոյեմբերի 29-ին Թեհրանում Մեծ Բրիտանիայի դեսպանատունը հարձակման ենթարկած 11 ձերբակալվածներին:
Թե ինչ պատճառաբանությամբ են դեսպանատան շենքը գրոհով վերցրած եւ կողոպտած մարդիկ ազատ արձակվել՝ չի հաղորդվում: Իրանում գործող օրենսդրության համաձայն՝ այլոց ունեցվածքը դիտավորյալ ոչնչացնելը պատժվում է երեք տարվա ազատազրկմամբ:
Հիշեցնենք, որ ամբոխի կողմից Թեհրանում Մեծ Բրիտանիայի դեսպանատունն ու բնակելի համալիրը գրոհելուց հետո փաստացի խզվել են Լոնդոնի եւ Թեհրանի դիվանագիտական հարաբերությունները, իսկ եվրոպական մի շարք երկրներ, ի նշան Մեծ Բրիտանիայի հետ համերաշխության, Իրանում դադարեցրել են իրենց դիվանագիտական առաքելությունը:
