Այսօր՝ դեկտեմբերի 1-ին, ավտովթար է տեղի ունեցել Երեւանում: Ինչպես դեպքի վայրից Aravot.am-ին հայտնում է ֆոտոլրագրող Գագիկ Շամշյանը, ժամը 14-ի սահմաններում, Սարալանջի նորակառույց ճանապարհին, իրար են բախվել «Շեւրոլետ» մակնիշի 11 ՍԼ 850 համարանիշի եւ «Մերսեդես» մակնիշի 61 ՕՕ 313 համարանիշի ավտոմեքենաները:
Դեպքի վայրում հավաքվածները հայտնեցին, որ շտապ օգնության ավտոմեքենան 1 հոգու տարել է հիվանդանոց, սակայն մի մասն էլ պնդում էր, թե ոչ մեկը մարմնական վնասվածքներ չի ստացել, պարզապես ավտովթարի հետեւանքով վարորդները կրել են նյութական վնաս:
Կարդացեք նաև
Նշված հատվածում երթեւեկությունը մասամբ կաթվածահար էր եղել, քանի որ արդեն 30 րոպեից ավելի էր, սակայն դեռ վթարի վայր չէին ժամանում ճանապարհային ոստիկանության եւ ապահովագրական ընկերության ներկայացուցիչները:
