Նյու- Յորքում եւ նրա արվարձաններում կալանավորվել են իտալական մաֆիայի Գամբինո եւ Բոննանո գանգստերական հայտնի կլանների անդամներ, նաեւ նախկին ԽՍՀՄ երկների ներգաղթյալներ: Կալանավորվածները` թվով 20 հոգի, մեղադրվում են Կունիսի եւ Լոնգ-Այլենդի գիշերային ակումբներում աշխատելու նպատակով Ռուսաստանից եւ Արեւելյան Եվրոպայից կանանց` ԱՄՆ ապօրինի տեղափոխմանը նպաստելու համար:
Նյու-Յորքի Հարավային մարզի դաշնային դատախազությունը հայտարարել է, որ չորեքշաբթի օրը կալանավորվածների թվում են իտալական մաֆիայի ազդեցիկ անդամներ. Գամբինո կլանի «կապիտան», 34-ամյա Ալֆոնս Տրուկկիոն եւ Բոննանո կլանի պարագլուխ, 62-ամյա Էնտոնի Ֆրասկոնեն, որը հայտնի է նաեւ «Պերրի Կոմո» մականունով: Նրանք մեղադրվում են չորս ստրիպթիզ-ակումբների «տանիք» լինելու` իրենց հովանավորության տակ առնելու մեջ:
BBC-ի մատուցմամբ, կալանավորվածներից մի քանիսը մեղադրվում են կեղծ ամուսնություններ կազմակերպելու եւ անձամբ այդպիսի ամուսնական գործարք կնքելու մեջ: Ըստ դատախազության նյութերի, կալանավորվածների մի ստվար մասը նախկին ԽՍՀՄ երկրներից են:
Օտարերկրացիների անօրինական ներգաղթին նպաստելու , նրանց տեղափոխելու եւ թաքցնելու մեջ մեղադրվում են Գամբինո կլանի ներկայացուցիչ, «Ծերուկ Ուիլլի» եւ «Կնքահայր» մականուններով 64-ամյա Ուիլյամ Պացինենեցան, 45-ամյա Պոլ Կասսելան` Բոննանոների «ընտանիքից», 36-ամյա Բորիս Յուսուպովւ, 43-ամյա Վիտալի Մինդյուկը, 39-ամյա Օսկար Զելեդոնն ու 53-ամյա Ալեքսանդր Բելեսոնը:
Կարդացեք նաև
Դատախազության ներկայացուիչների ասելով, ծագումով նախկին ԽՍՀՄ երկրներից ներգաղթածները, որոնք կալանավորվել են, կասկածվում են այն բանում, որ համացանցի կամ թերթերի միջոցով Ռուսաստանում, Լատվիայում եւ այլ երկրներում հավաքագրել են կանանց, նրանց ԱՄՆ-ում աշխատելու կեղծ հրավերներ են ուղարկել, իսկ նրանց Միացյալ Նահանգներ հասնելուց հետո «տեղավորել» են գիշերային ակումբներում աշխատելու, թեեւ մուտքի թույլտվության մեջ հստակ շեշտված է եղել, որ այդ կարգի աշխատանք կատարելն արգելվում է: Դատախազությունում պնդում են, որ իտալական մաֆիոզ կլանների ներկայացուցիչները ակումբներից` նրանց «տանիք» լինելու եւ մյուս ավազակախմբերից պաշտպանելու խոստման համար որոշակի վարձատրություն են ստացել:
Կալանավորվածների մեծ մասը կարող է դատապարտվել տասնյակ տարիների ազատազրրկման:
