Տաջիկստանի արտգործնախարարությունը մտահոգություն է հայտնել Ռուսաստանի տարածքում իր քաղաքացիների սպանության հաճախակի դարձած դեպքերի առնչությամբ:
РИА Новости-ի փոխանցմամբ, չորեքշաբթի օրը Տաջիկստանում ՌԴ դեսպան Յուրի Պոպովը հրավիրվել է ԱԳՆ` քննարկելու համար «ՌԴ տարածքում աշխատանքի մեկնած տաջիկ ներգաղթյալների նկատմամբ անմարդկային բռնության ակտերը»:
«Նախարարությունը լուրջ մտահգություն է հայտնել նման դեպքերի աճի միտումի կապակցությամբ եւ հայտարարել, որ Տաջիկստանի քաղաքացիներ Բախտիյոր Ռասուլովի եւ Զոքիր Կուրբանկուլովի սպանությունները տաջիկ ժողովրդի վրդովմունքն ու տարակուսանքն են հարուցել»,- շեշտել է միջինասիական այս երկրի ԱԳՆ-ն:
Տաջիկստանի այս քաղաքացիներից մեկի գլխատված դիակը գտել էին նոյեմբերի կեսին, Սանկտ-Պետերբուրգում` նրա իսկ մեքենայի մեջ, երկրորդին նոյեմբերի 25-ին մերձմոսկովյան Լյուբերցի բնակավայրում մոռթել էին:
Կարդացեք նաև
Տաջիկստանում ՌԴ դեսպանը հավաստիացրել է, որ հանդիպման մասին կփոխանցի իր ղեկավարությանը եւ Տաջիկստանի ղեկավարությանը կտեղեկացնի այդ սպանությունների փաստով հարուցված գործերի նախաքննության ընթացքի մասին:
