Սյունիքի մարզի երկու քաղաքներում իրականացվել է կառավարման ապակենտրոնացմանն ուղղված «Ես գնահատում եմ» քաղաքացիական նախաձեռնություն, որի արդյունքները և փորձագիտական եզրահանգումները ներկայացվեցին այսօր՝ Եվրամիության գրասենյակում կազմակերպված շնորհանդեսում: Նախապես տարածված հաղորդագրության մեջ նշված էր, հրավիրված է նաև Սյունիքի մարզպետը: Սակայն նրա փոխարեն ներկա էր Սյունիքի փոխմարզպետը, որն «Առավոտի» թղթակցի հարցին, թե ինչու չկա Սուրիկ Խաչատրյանը՝ պատասխանեց, որ նա պատվիրակություն պետք է ընդուներ:
