Չինաստանի իշխանությունները երկրում աղքատության նոր շեմ են սահմանել. այլեւս աղքատ ապրողներ կհամարվեն նրանք, ում եկամուտը կազմում է օրական 1 ԱՄՆ դոլարից պակաս(6,5 յուան): Մինչ այս նվազագույն շեմը համարվում էր օրական 55 ցենտը:
Նախորդ տարվա տվյալներով, Չինաստանի տարածաշրջաններում աղքատ էր համարվում 27 միլիոն մարդ: Այս նորամուծությունը միլիոնավոր մարդկանց հնարավորություն կտա օգտվել պետական նպաստների համակարգից, մասնագիտական անվճար ուսումից եւ արտոնյալ վարկերից: Այդ մասին հաղորդում է BBC-ին:
Միջազգային հանրությունը Չինաստանին հաճախ էր քննադատում պաշտոնապես աղքատության ցածր շեմ սահմանելու համար: Հիմա արդեն Չինաստանն առավելագույն չափով մոտեցավ Համաշխարհային բանկի ցուցանիշներին, ըստ որոնց օրական աշխատավարձի նվազագույն շեմ է համարվում 1,25 ԱՄՆ դոլարը:
