20- ամյա մի երիտասարդ զոհվել է պատշգամբում պլանկինգի անհաջող փորձ կատարելիս: Երիտասարդները կարծում են, որ մեր առօրյան շատ պարզ ու անշուք է, իսկ սպորտաձը թույլ է տալիս օրը ավելի հետաքրքիր և ուրախ դարձնել, նրանց ասելով՝ նպատակը մարդկանց ժպտալ սովորեցնելն է:
Այսօր էքստրեմալ սպորտաձևերի սիրահարները հնարավորություն ունեն իրենց ուժերը փորձելու Հայաստանում զարգացող մեկ այլ սպորտաձևում, որը անվանվում է պլանկինգ: Բառը թարգմանաբար նշանակում է տախտկացում կամ տախտակացում: Սպորտաձևի նպատակը կայանում է նրանում, որ մարդ կարողանա պառկել հորիզոնական դիրքով անհնարին ու անիրական տեղերում, և մնալ այդ դիրքով որոշակի ժամանակ:
Սպորտաձը հիմնադրվել է 1997 թվականին Գարի Կլարկսոնի և Կրիստիան Լենգդոնոմի կողմից` Մեծ Բրիտանիայում: Հայասատանում մուտք է գործել վերջերս, բայց արդեն հասցրել է ունենալ Հայաստանի պլանկինգի ֆեդերացիա:
20-ամյա ուսանողուհի Անի Սողոմոնյանը բացասական կարծիք ունի սպորտաձի մասին. «Սպորտաձև անտրամաբանական է, և կարող է ռիսկի ենթարկել մարդու կյանքը»,- ասում է նա: 19- ամյա Դավիթ Օհանյանն էլ կարծում է՝ այս սպորտաձևը հնարավորություն է տալիս կյանքն ավելի գունավոր ու զվարճալի դարձնել, չնայած, որ այդ պահին հերոսի համար գույները կարող են խավարել. «Ես ինքն չեմ փորձել, սակայն երբ նայում եմ, հասկանում եմ, թե ինչերի է ընդունակ մարդը, դա ինձ ոգևորում է »:
Անժելա Քարափուլյան
