Նոր Երզնկա գյուղի նորաստեղծ թաղամասի բնակիչներին խմելու ջրով ապահովելու համար` «Երևան Ջուր» ՓԲԸ-ի պատվերով «Կանթեղ» ՍՊԸ-ն «Շոր-Շոր – Երևան» մայրուղային ջրատարից դեպի Նոր Երզնկա կառուցել է 1700 մետր երկարությամբ և 100-150մմ տրամագծով ջրատար: Նոյեմբերի 29-ին նշված ջրատարների հատման վայրում կառուցված դիտահորում կատարվում էին միացման աշխատանքներ և տեղադրվում էր փական:
Այսուհետ գյուղի բնակիչները «Տեխնիկական պայմանների» առկայության պարագայում կարող են փողոցի ջրագծից դեպի առանձնատներ կառուցել սեփական ջրագծեր, տեղադրել ջրաչափ և ունենալ կայուն ջրամատակարարում:
