Դեկտեմբերի սկզբին Իսրայելի Քնեսեթում կքննարկվի Հայոց Ցեղասպանության ճանաչման հարցը:
Ինչպես Մեդիամաքս-ի թղթակցի հետ զրույցում հաղորդել է Երուսաղեմի “Հայ Դատի” գրասենյակի ղեկավար Ժորժետա Ավագյանը, “Մերեց” կուսակցության պատգամավոր Զահավա Գալոն խոստացել է դեկտեմբերի առաջիկա օրերին կրկին քննարկման ներկայացնել հարցը Քնեսեթի Կրթության հարցերով հանձնաժողովում:
«Մենք ակնկալում ենք, որ հարցը կքննարկվի այս շաբաթվա ընթացքում»,- նկատել է Երուսաղեմի “Հայ Դատի” գրասենյակի ղեկավարը:
Նա նշել է, որ այս անգամ հարցը Քնեսեթի հանձնաժողովում կքննարկվի բաց նիստում, որին կմասնակցեն Իսրայելի հայ համայնքի ներկայացուցիչները:
