Քիչ առաջ մեկնարկած ԱԺ արտահերթ նիստի ժամանակ ԱԺ նախագահի պաշտոնակար Սամվել Նիկոյանը հայտնել է, որկառավարությունը 15 օրով հետաձգել է «Շրջակա միջավայրի վրա ազդեցության փորձաքննության մասին օրենքում փոփոխություններ և լրացումներ կատարելու մասին» օրինագծի առաջին ընթերցմամբ քվեարկությունը, որը մի շարք հ/կ–ների և պատգամավորների քննադատությանն էր արժանացել։
–Մինչև հաջորդ քառօրյան այդ հարցի շուրջ կկազմակերպվեն խորհրդարանական լսումներ։ Երեկվա քննարկման արդյունքում ձեր առաջարկությունների հիման վրա կառավարության հետ խորհրդակցեցինք և կառավարությունն ընդառաջ գնաց՝ հարցի լուծման այսպիսի կազմակերպման ընթացակարգի վերաբերյալ,–ընդգծել է Ս. Նիկոյանը։
ՀՀ ԱԺ գյուղատնտեսության և բնապահպանական հարցերի մշտական հանձնաժողովի նախագահ Խաչիկ Հարությունյանն էլ հայտարարել է, որ այս ուրբաթ օրը խորհրդարանական լսումներ են կազմակերպելու՝ նշված նախագծի վերաբերյալ։
7or.am
