Հարավային Օսիայում նախագահի թեկնածու Ալլա Ջիոեւայի նախընտրական շտաբը պնդում է, որ երկրի Կենտրոնական ընտրական հանձնաժողովը հաստատել է նախագահական ընտրությունների արդյունքների վերաբերյալ ամփոփիչ արձանագրությունը` ճանաչելով Ջիոեւայի հաղթանակը:
РИА Новости-ի փոխանցմամբ, այդ մասին հայտարարել է թեկնածուի շտաբի ներկայացուցիչը. «ԿԸՀ բոլոր 15 անդամները ստորագրել են ընտրություների ամփոփիչ արձանագրությունը, որի համաձայն հաղթել է մեր թեկնածու Ալլա Ջիոեւան»:
Հիշեցնենք, որ Հարավային Օսիայի գերագույն դատարանը արգելել է ԿԸՀ-ին` մինչեւ ընտրախախտումների մասին բողոքների քննարկումը, ընտրությունների արդյունքների վերաբերյալ որեւէ տվյալ հրապարակել: Մինչ այդ, հաղորդվում էր, որ քվեաթերթիկների հաշվարկի մասին արձանագրությունների 85-ից 74-ի համաձայն, Ջիոեւան երկրորդ փուլում ստացել է ընտրողների 56,7 տոկոսի քվեն, իսկ նրա մրցակից, ԱԻԾ ղեկավար Անատոլի Բիբիլովը` 40 տոկոսը:
