Հատված Ազգային ժողովի Մարդու իրավունքների պաշտպանության եւ հանրային հարցերի հանձնաժողովի փոխնախագահ ՌԱՖԻԿ ՊԵՏՐՈՍՅԱՆԻ հետ հարցազրույցից
-Պարոն Պետրոսյան, ՀԱԿ վերջին հանրահավաքում ներկայացված նախագահ Սերժ Սարգսյանի պաշտոնանկության իրավաքաղաքական հիմքերի հռչակագիրը կարելի՞ է լուրջ փաստաթուղթ համարել:
-Նախեւառաջ հենց այս հռչակագիրը կազմած անձինք լուրջ չեն վերաբերվում ինչպես իրենց իսկ ներկայացրածին, այնպես էլ հանրահավաքի այն մասնակիցներին, որոնց անունից հռչակում են իրենց նկրտումները:
Չի կարող լուրջ համարվել այն քաղաքական ուժը, որը պետության բարձրագույն պաշտոնյայի հասցեին, ճիշտ է՝ անհիմն, բայց ծանր մեղադրանքներ ներկայացնելուց անմիջապես հետո հայտարարում է, թե քառամսյա քաղաքական արձակուրդ է վերցնում: Հետեւաբար կամ նրանք գիտակցում են, որ անելիք չունեն քաղաքական դաշտում, կամ էլ փորձում են բացակայելու միջոցով խուսափել իրենց համակիրներին թյուրիմացության մեջ գցելու պատասխանատվությունից:
-Դադարը բացատրվեց եղանակային պայմաններով։
-Հայաստանում սովորաբար ձմռանը ցուրտ է, ամռանը՝ շոգ, բայց դա չի նշանակում, որ կարելի է հանրության անգամ մի փոքր հատվածին սեփական հնարավորություններից մի քանի անգամ մեծ խոստումներ տալ ու սեզոնային անգործության անցնել: Նման քաղաքական գործելակերպը ոչ միայն անլուրջ է, այլեւ արդարացված չէ:
Գեւորգ ՀԱՐՈՒԹՅՈՒՆՅԱՆ
«Հայոց աշխարհ»
Կարդացեք նաև
