Վահագն Չախալյանն այսօր դարձավ 30 տարեկան: «Միասնական Ջավախք» ժողովրդավարական դաշինք քաղաքական շարժման առաջնորդն է: Վրացական դատարանը դատապարտել է նրան 10 տարվա ազատազրկման՝ ջավախքահայության իրավունքների պաշտպանության ուղղությամբ իր քաղաքական գործունեության համար: Այդ առիթով այսօր՝ նոյեմբերի 28-ին, Թամանյանի արձանի մոտից կազմակերպվել էր երթ` Հայաստանում Վրաստանի դեսպանություն: «Նպատակն է` հայտնել մեր դժգոհությունը Վահագն Չախալյանի ձերբակալության վերաբերյալ, ով ձերբակալվել է քաղաքական պատճառներով»,- ասում է երթի մասնակից Արամ Աղայանը: Հուսով է` Վահագնին ազատ կարձակեն: Մասնակիցները` պաստառներով և նկարներով բարձրացան դեսպանություն:
Ակցիայի վերջում Հայաստանում Վրաստանի դեսպանին հանձնվեց բաց նամակ, հուսալով՝ որ այն կփոխանցվի Վրաստանի նախագահին:
Արամ Արարատյան
