Երեւանի քաղաքապետ Տարոն Մարգարյանն աշխատանքային հերթական խորհրդակցության ժամանակ անդրադառնալով բակային տարածքներում մանկական խաղերի տեղադրման ծրագրին` հանձնարարել է վարչական շրջանների կողմից գույքագրել եւ ներկայացնել այն հասցները, որտեղ նպատակահարմար է խաղահրապարկների տեղադրումը: 2012 թվականի բյուջեում նախատեսվող միջոցներից բացի, քաղաքապետն առաջարկել մանկական խաղերի տեղադրման ծրագրի հետ կապված բանակցել նաեւ հնարավոր ներդրողների հետ:
Տարոն Մարգարյանը հանձնարարել է նաեւ գույքագրել մայրաքաղաքի բոլոր այն երկրորդական փողոցներն ու բակային տարածքները, որոնք արտաքին լուսավորության ապահովման անհրաժեշտություն ունեն:
Քաղաքապետը վարչական շրջանների ղեկավարներին հանձնարարել է նաեւ հստակեցնել ամանորյա միջոցառումների ծրագրերը եւ մինչեւ դեկտեմբերի 20-ն ավարտել քաղաքի արտաքին ձեւավորման աշխատանքները:
Ըստ Երեւանի քաղաքապետարանի տեղեկատվության և հասարակայնության հետ կապերի վարչության հաղորդագրության
