EMPORIUM ամսագիրն այսօր հաղորդագրություն է տարածել, որ առավոտյան բացելով իրենց կայքը՝ www.emporium.am տեսել են ադրբեջաներեն տեքստ. «Շուտով նաեւ պարզեցինք, որ ունենք եւս 98 բախտակից ընկեր: Նայելով ցանկը՝ չհասկացանք ադրբեջանական կողմի տրամաբանությունը: EMPORIUM-ը Հայաստանում առաջին մարքեթինգային գիտահանրամատչելի ամսագիրն է: Թե ինչու էր նրանց անհրաժեշտ կոտրել մի կայք, որտեղ ներկայացվում են գովազդային հոլովակների, մարքեթինգային տարբեր գործիքների, հայկական շուկայի որոշ սեգմենտների վերլուծություններ, անհասկանալի է: Ինչեւէ, այս պահի դրությամբ մեր կայքի թիմն աշխատում է www.emporium.am –ը վերականգնելու ուղղությամբ»:
