The Daily Star-ի այսօրվա համարում անդրադարձ կա Syriac League-ի հայտարարությանը, որն անբավարար է գնահատել այն, որ Թուրքիայի վարչապետ Էրդողանն այս շաբաթ ներողություն խնդրեց իր երկրի քուրդ ազգաբնակչությունից: Հայտարարության մեջ ասված է, որ թեեւ Թուրքիայի վարչապետ Ռեջեփ Թայիփ Էրդողանի ներողությունը թեկուզ ուշացած, բայց խղճի խայթ էր, ըստ խմբի՝ նման ազգային հաշտությունը չպետք է լինի ընտրովի:
Հիշեցնենք, որ Էրդողանը չորեքշաբթի ներողություն խնդրեց 1937-38թթ. Դերսիմում կոտորածի համար, որի զոհը դարձան 14 հազար քրդեր:
Syriac League-ը ցանկանում է, որ Էրդողանը համանման ներողություն խնդրի նաեւ սիրիացիներից եւ հայերից:
