ՀՀ Մարդու իրավունքների պաշտպանի հանդիպումը վանաձորցիների հետ չկայացավ` Երեւան-Վանաձոր սառցակալած ճանապարհի պատճառով: Վանաձորի Մխիթար Գոշ համալսարանի բակում հավաքվածները կարծես համոզված էին, որ Մարդու իրավունքների պաշտպանը չի գալու, բայց սպասում էին: Ժամանակը կարճացնելու համար ակտիվ զրույցի բռնվեցին՝ պատմելով այն խնդիրները, որոնք անհանգստացնում էին: Այդպես անցավ 2 ժամ: Կազմակերպիչները խոստացան Պաշտպանի հաջորդ այցի մասին տեղեկացնել լրացուցիչ:
ՀԱԿ միտինգով պայմանավորված՝ պատճառաբանելով փակ ճանապարհը, չէր գործում Վանաձոր -Երեւան երթուղին էլ: Փոխարենն անարգել մայրաքաղաք էին գնում տաքսի ծառայություններն ու սեփական մեքենա ունեցողները:
Վանաձորի ավտոկայանի հերթապահությունից էլ տեղեկացրեցին, որ մեքենաներն այսօր ենթարկելու են պրոֆիլակտիկ զննման ու վերանորոգման:
Նելլի ԴԱՎԹՅԱՆ
