Դատավոր Գագիկ Պողոսյան
Կենտրոն եւ Նորք-Մարաշ վարչական շրջանների ընդհանուր իրավասության դատարանի դԴատավոր Գագիկ Պողոսյանն այսօր ժ.14.30-ին նշանակած նիստը ստիպված էր հետաձգել, քանի որ տուժող Անդրանիկ Մարտիրոսյանը բացակա էր՝ դատարանին անհասկանալի պատճառով:
Պետք է քննվեր Արման Հայրապետյանի, Սարգիս Ավագյանի, Արսեն Խաչատրյանի եւ Արմեն Պետրոսյանի դեմ հարուցված քրեական գործը: Նրանք այս տարվա հունիսի 19-ին, ժ. 03.30-ի սահմաններում, Երեւանի Աբովյան փողոցում գտնվող «Կրիստալ» գիշերային ակումբում կատարել էին խուլիգանություն՝ «որպես զենք օգտագործվող առարկայի գործադրմամբ»:
Ամբաստանյալները չէին ընդունել իրենց առաջադրված մեղադրանքը:
Տուժողները 4-ն են՝ Թեհմինե Սողոմոնյանը, Մանվել Գալստյանը, Արարատ Պետրոսյանն ու Անդրանիկ Մարտիրոսյանը:
Կարդացեք նաև
Պաշտպաններից տիկին Մարտիրոսյանը միջնորդեց, որ բերման ենթարկեն բացակա տուժողին: Մեղադրողն ասաց. «Առաջին նիստն է, չարժե նրա նկատմամբ բերման որոշում կայացնել» եւ միջնորդության ճակատագիրը թողեց դատարանի հայեցողությանը: Դատարանը գտավ, որ առանց տուժողի անհնար է գործի օբյեկտիվությունն ու բազմակողմանիությունն ապահովելը եւ նախազգուշացրեց մյուս տուժողներին էլ, որպեսզի զգուշացնեն նրան:
Ռուզան ՄԻՆԱՍՅԱՆ
