«Հայաստանը նախեառաջ պետք է կենտրոնանա տեղական արտադրության զարգացման վրա, հետագայում մտածի արտահանման մասին: Եթե նույնիսկ այսօր հայ-թուրքական բաց սահմաններ լինեին, Հայաստանը կարող էր արտահանում անել միայն հանքարդյունաբերության ոլորտում»,– այսօր «Արմատ» ակումբում լրագրողների հետ հանդիպման ժամանակ ասաց Տնտեսական գիտությունների թեկնածու Գրիգոր Հայրապետյանը՝ խոսելով նոյեմբերի 21-23 Երեւանում անցկացված .
“>հայ և թուրք գործարարների համաժողովի, Հայաստանում ԱՄՆ դեսպանի Հայաստանի և Թուրքիայի սահմանները բացելու հայտարարության մասին:
Մյուս կողմից, նա կարծում է, որ չնայած փակ սահմաններին, երկու երկրների միջեւ առկա են առեւտրատնտեսական կապեր, բայց հիմնականում Հայաստանն է ապրանքներ ներմուծում Թուրքիայից: Սակայն տնտեսագետը գտնում է, որ եթե փակ սահմանի դեպքում շուրջ 200 մլն ԱՄՆ դոլարի ապրանք ենք ներմուծում, սահմանի բացումը Հայաստանին կօգնի ավելացնելու նաեւ դեպի Թուրքիա արտահանումը, որն այսօր հասնում է ընդամենը 1.2 մլն դոլարի:
Լուսինե ԽԱՉԱՏՐՅԱՆ
Կարդացեք նաև
