Նոյեմբերի 19-ի «Հետք» կայքում հրապարակվեց «Զանգվածային ծառահատումներ Օձուն-Արեւածագ ճանապարհին» հոդվածը: Այնտեղ խոսք էր գնացել 200 ծառերի ապօրինի հատման մասին: Լոռու մարզի դատախազ Կարեն Շահբազյանը այսօր հանձնարարել է ՀՀ ոստիկանության Թումանյանի բաժնի պետ Ա.Հարությունյանին ստուգել հոդվածում նշված հանգամանքները: Իսկ ոստիկանության Լոռու մարզային վարչության պետ Ա.Համբարյանին էլ հանձնարարվել է հսկողություն իրականացնել նյութերի նախապատրաստման, ձեռնարկվող օպերատիվ միջոցառումների նկատմամբ:
Հոդվածում նշված հանգամանքները հիմնավորվելու դեպքում դատախազը հանձնարարել է ծառայողական քննություն անցկացնել տարածքը «նայող» ոստիկանների նկատմամբ:
Ռուզան ՄԻՆԱՍՅԱՆ
