Մարդու իրավունքների պաշտպանության հիմնադրամի տարածաշրջանային ղեկավար Ane Tusink Bonde-ն այսօր կառավարության շենքի բակում լսեց հավաքված ցուցարարներին: Նա մտահոգություն հայտնեց հայկական բանակում տիրող իրավիճակի մասին՝ նշելով, որ Հայաստանը, որպես Եվրոպական խորհրդի անդամ, չի հարգում մարդու իրավունքների պաշտպանության ինստիտուտը: Նրա խոսքերով, տարօրինակ է, որ բանակում խաղաղ պայմաններում մահացած զինվորների հարազատները 4 տարվա պայքարից հետո չեն կարողանում արդարությունը վերհանել: «Հայաստանի արդարադատության համակարգում լուրջ խնդիրներ կան»,- հավելեց փորձագետը:
Արփինե ՍԻՄՈՆՅԱՆ
