Այսօր «Իրատես դե ֆակտո» ակումբում հրավիրած ասուլիսում լրագրողները «Օրինաց երկիր» խմբակցության ղեկավար Հեղինե Բիշարյանից հետաքրքրվեցին՝ հնարավո՞ր է դառնաք ԱԺ փոխխոսնակ: Ըստ բանախոսի՝ «Ես չեմ ուզում դառնալ Ազգային ժողովի փոխխոսնակ կամ խոսնակ: Նման առաջարկ չի եղել, նման քննարկում չի եղել, նման ցանկություն չի եղել: Դա Հանրապետական կուսակցության խնդիրն է, եւ նրանք կառաջադրեն իրենց թեկնածուներին: Ես չեմ մասնակցելու նման ընտրությունների: Մեզ պաշտոնները չեն գրավում, ես ինքս բարձր պաշտոն ունեմ եւ շատ շնորհակալ եմ մեր քաղաքական թիմին, որ ինձ վստահել է կուսակցության ղեկավարի պաշտոնը: Այդ պաշտոններում եղել են ՀՀԿ–ի ներկայացուցիչները, կարծում եմ՝ արդարացված կլինի, որ էլի իրենք ընտրվեն: Իմ անձը կուսակցական աշխատանքներով շատ զբաղված է եւ ինձ այդ առաջարկն ընդհանրապես չի հետաքրքրում»: Հարցին՝ գուցե դուք է՞լ եք պատրաստվում շտաբը ղեկավարել՝ նա պատասխանեց. «Դա դեռ չի քննարկվել մեր կուսակցությունում, շուտով կքննարկվի»:
Հռիփսիմե ՋԵԲԵՋՅԱՆ
