Մոսկվայում ընթացող Միխայիլ Տալի հիշատակին նվիրված 22-րդ կարգի հուշամրցաշարի 7-րդ տուրից հետո մրցաշարային աղյուսակում լարվածությունը հասավ գագաթնակետին: Մասնակից տասը գրոսմայստերներից հինգը` Լեւոն Արոնյանը, Մագնուս Կարլսենը, Յան Նեպոմնյաշչին, Սերգեյ Կարյակինը եւ Վասիլի Իվանչուկը 4,0-ական միավորով զբաղեցնում են մրցաշարային աղյուսակի առաջին հինգ հորիզոնականները: Իսկ վերջնական հաղթողի կոչմանը հավակնում են եւս երկուսը` նրանցից կես միավոր պակաս վաստակած Վիշվանաթան Անանդը եւ Պյոտր Սվիդլերը: Այսօր 8-րդ տուրում Լեւոն Արոնյանը սպիտակներով խաղում է Պյոտր Սվիդլերի հետ:
Աշոտ ՀԱԿՈԲՅԱՆ
