ՄԻԱՍԻՆ երիտասարդական շարժումն իրականացնում է Մայրենի լեզվի անաղարտության պահպանմանն ուղղված իր հերթական ակցիան: Ակցիան իրենից ներկայացնելու է երթ` մոտ 1000 երիտասարդների մասնակցությամբ, ովքեր, Մայրենի լեզվի պահպանմանն ուղղված կոչեր պարունակող պաստառներով, երթով կանցնեն Մաշտոց, Թումանյան, Հյուսիսային պողոտա և Աբովյան փողոցներով: Երթի ընթացքում պահանջ-նամակներ կհանձնվեն օտարալեզու ցուցանակներով հաստատություններին: Հայ երիտասարդը պահանջում է հարգել Մայրենի լեզուն, մենք ուզում ենք տեսնել հայերեն տառեր: Երթի վերջում ՄԻԱՍԻՆ շարժման անդամները նամակ կհանձնեն նաև վարչապետին:
Երթը կմեկնարկի Թամանյանի արձանի մոտ, նոյեմբերի 24-ին, ժամը 15:00-ին:
«ՄԻԱՍԻՆ» շարժման մամուլի հաղորդագրություն
