Ավելի բարձր գոտիներում երիտասարդները պակաս ակտիվ են, քան ցածրերում: Սոցիոլոգ Ահարոն Ադիբեկյանն է «Առավոտ երիտասարդականին» ասում: Երիտասարդների մասին նրա «Սոցիոմետր» կազմակերպության վերջին ուսումնասիրությունը եղել է 2006 թվականին` «Երիտասարդությունը Հայաստանում» թեմայով, ասում է` «IDI» կազմակերպությունն էր պատվիրել: Եղել է համեմատական հետազոտություն` Հայաստանի, Վրաստանի ու Ադրբեջանի միջև: «Մենք վերցնում էինք երիտասարդների, բուհերի ուսանողների տեսակետները, ինչպես նաև տարածքային առավելությունը` ով որտեղ է բնակվում` քաղաքում, թե մարզում»,- ասում է սոցիոլոգը: Հետազոտության արդյունքում պարզվել է. երիտասարդության 25%-ը հեռանում է հայրենիքից, 60%-ը մասնակցում է սոցիալական ակցիաներին, մոտ 10%-ը միանում է որևէ հասարակական կազմակերպությանը` որպես կամավոր, իսկ 5%-ը` միանում որևէ կուսակցության: 2006 թվականից այս կողմ երիտասարդության մասին որեւէ սոցիոլագիական հետազոտություն չի իրականացվել: Ահարոն Ադիբեկյանի կառույցն էլ չի ցանկացել, մասնավոր ընկերություն է, պատվերով է գործում: Սոցիոլոգը կարծում է` պատվիրատու չի էլ լինելու, քանի որ հենց երիտասարդները մտահոգված չեն իրենց ապագայով:
Արամ Արարատյան
