Սյունիքի մարզպետարանի տվյալներով, այսօր Սյունիքի 120 հանրակրթական ուսումնական հաստատություններից 94-ում տնօրենները պաշտոնավարում են անորոշ ժամկետի պայմանագրի հիման վրա։ Մինչեւ դեկտեմբերի 26-ն այս դպրոցներում կանցկացվեն տնօրենի պաշտոնի համար մրցույթներ։
Ուսումնական հաստատության ղեկավարման իրավունքի հավաստագիր ստանալու համար վերապատրաստվել եւ քննություններին մասնակցել է 85 տնօրեն, որոնցից 2-ը չեն հաղթահարել հավաստագիր ստանալու համար քննական սահմանված շեմը: 9-ը տնօրեն չի մասնակցել ուսումնական հաստատության ղեկավարման իրավունքի (հավաստագրի) համար անցկացված վերապատրաստման դասընթացներին (Կապանի թիվ 1,1 7, 13, Ներքին Հանդի, Լեռնաձորի, Գորիսի թիվ 1 հատուկ, Որոտանի միջնակարգ, Տանձատափի, Խոզնավարի, Վարդանիձորի դպրոցներ): Նրանք չեն կարող մասնակցել տնօրեն դառնալու մրցույթներին: Ըստ այդմ, դուրս են մնացել քննական գործընթացին մասնակցելու իրավունքից։
Կապանի թիվ 1, 2, Քաջարանի, Օխտարի, Քարահունջի, Խնձորեսկի, Ծղուկի, Իշխանասարի, Շենաթաղի, Լորի դպրոցների տնօրենները երկու անգամ են մասնակցել ուսումնական հաստատության ղեկավարման իրավունք (հավաստագիր) ստանալու քննությանը: Քարահունջի, Խնձորեսկի, Ծղուկի, Շենաթաղի եւ Կապանի մի դպրոցի տնօրեններ չեն հաղթահարել հավաստագիր ստանալու համար քննական սահմանված շեմը։ Ծղուկի, Քարահունջի, Շենաթաղի դպրոցների տնօրենները բախտը փորձել են երեք անգամ: Առաջին երկուսը հաջողել են, երրորդը՝ ոչ։
