Առաջիկա խորհրդարանական ընտրություններում «Ժառանգությունը» շանսեր չունի մտնելու խորհրդարան: Այս մասին այսօր «Ազդակ» ակումբում կայացած ասուլիսում ասաց սոցիոլոգ Ահարոն Ադիբեկյանը: Նրա դիտարկմամբ, քաղաքական շուկայում արդեն բոլոր տեղերը զբաղեցված են՝ ՀՀԿ-ն բրենդ է, ԲՀԿ-ն տնտեսության զարգացման խթանող, ՀՅԴ-ն համապետական խնդիրներ լուծող, ՕԵԿ-ը՝ մարդու իրավունքների պաշտպան, ՀԱԿ-ն էլ ընդդիմադիր ուժ, բայց անորոշ դիմագծերով: Ըստ Ադիբեկյանի, «Ժառանգության» տեղն է մնում օդում կախված. «Նրանք էլ են ուզում շուկա մտնել, բաց դեռ չունեն բրենդ ու հիմնվում են իրենց ղեկավարի բրենդի վրա»: Առաջիկա ընտրություններում սոցիոլոգը խորհրդարանում տեսնում է ՀՀԿ-ին, ԲՀԿ-ին, ՕԵԿ-ին, ՀՅԴ-ին եւ ՀԱԿ-ին. «Ժառանգությունը» բախտի բերմամբ կանցնի՞, թե՞ չի անցնի, արդեն չգիտեմ»: Պարոն Ադիբեկյանը չբացառեց ՀՀԿ-ի կանխատեսումները՝ 35% համամասնական եւ 25 % մեծամասնական ձայներ ունենալը ընտրակարգում: Նա հավելեց, թե կանխատեսումներն իրականանալու դեպքում մեծամասնականի մնացած տեղերը բաժին կընկեն ՕԵԿ-ին, ԲՀԿ-ին ու անհատ պատգամավորներին:
Արփինե ՍԻՄՈՆՅԱՆ
