Փարիզում ընթացած ծանրամարտի աշխարհի առաջնությունում արձանագրված կազմակերպական որոշ թերություններ կարող էին վերածվել սկանդալի:
Մասնավորապես, երբ ի նշան աշխարհի չեմպիոնի կոչումը նվաճած 17-ամյա մարզուհի Զուլֆիյա Չինշանլոյի հաղթանակի բարձրացվում էր Ղազախստանի դրոշը, այդ երկրի մարզական պատվիրակությունը շոկի մեջ ընկավ, որովհետեւ դահլիճում հնչում էր այդ երկրի նախկին օրհներգը, որը փոխվել է դեռ 2006 թվականին: Բնականաբար, զայրացած ղազախները պաշտոնական ներողություն են պահանջել կազմակերպիչներից, ինչին ի պատասխան՝ ֆրանսիական կողմը խոստացել է առաջիկա մրցումներից մեկում, որտեղ հանդես կգան ղազախ մարզիկները, սեփական անփութության համար ներողություն խնդրել ծանրորդներից եւ երկրպագուներից:
«Առավոտ» օրաթերթ
