Հայաստանի իրավապահ մարմիններում մեր աղբյուրների համաձայն՝ Հարություն Առաքելյանի հայտարարությունների վերաբերյալ քրեական գործի հարուցումը հղի է լուրջ հետեւանքներով: Եթե ապացուցվի, որ Առաքելյանի հայտարարություններն իրականությանը չեն համապատասխանում՝ նրան կարող է սպառնալ մեղադրողից մեղադրյալ դառնալու հեռանկարը՝ քրեական եւ քաղաքացիական օրենսգրքերի մի շարք հոդվածներով (սուտ մատնություն, շանտաժ, զրպարտություն): Դրանց համաձայն՝ Առաքելյանն իր աչքի առաջ կարող է ունենալ մինչեւ 5 տարի բանտում անցկացնելու հեռանկարը: Իսկ Առաքելյանի շրջապատից մեր աղբյուրը հայտնում է, որ վերջինս «Վարչապետ» գործողությունն իրականացնում է սեփական շատ լուրջ խնդիրներին քաղաքական աստառ տալու նպատակով: Ի դեպ, երեկ ավելի ուշ պարզվեց, որ վարչապետ Տիգրան Սարգսյանը դիմել է ՀՀ գլխավոր դատախազություն:
«Առավոտ» օրաթերթ
