Այսօր` նոյեմբերի 22-ի առավոտյան, ինքնասպանություն է տեղի ունեցել Շիրակի մարզում: Ինչպես դեպքի վայրից Aravot.am-ին հայտնում է ֆոտոլրագրող Գագիկ Շամշյանը, առավոտյան` ժամը 08.00-ի սահմաններում, ոստիկանության Շիրակի բաժին ահազանգ է ստացվել, որ Գյումրիից Շիրակամուտ տանող ճանապարհին` այսպես կոչված «50-ամյակի» կամրջի տակով անցնող խողովակներից կախված երիտասարդ կա:
Շտապ դեպքի վայր են ժամանել ոստիկանության Շիրակի մարզային վարչության եւ Գյումրիի բաժնի աշխատակիցները` ոստիկանության Գյումրու բաժնի պետ Արթուր Բիչախչյանի գլխավորությամբ, ոստիկանության քննչական գլխավոր վարչության Շիրակի մարզի քննչական բաժնի քննիչները: Այստեղ են նաեւ Արտակարգ իրավիճակների նախարարության Հայաստանի փրկարար ծառայության Շիրակի մարզի փրկարարները:
Ոստիկանությունն այս պահին ձեռնարկում է օպերատիվ-քննչական գործողություններ` պարզելու ինքնասպանի ինքնությունը:
Ավելի մանրամասն` քիչ ուշ:
