«Առավոտի» տեղեկություններով՝ նոյեմբերի 14-ին կայացել է Հոկտեմբերի 27 
-ի գործով ցմահ ազատազրկման դատապարտված Էդիկ Գրիգորյանի գործով դատական նիստ: Հիշեցնենք, որ նա դիմել էր դատարան՝ իր գործը վերանայելու խնդրանքով: Բանն այն է, որ այս տարվա մայիսի 23-ին ՀՀ Քր. Օրենսգրքում կատարված փոփոխությունների համաձայն դիտավորյալ սպանության համար առավելագույն պատիժը ցմահ ազատազրկումից դարձել է 20 տարի ազատազրկում, եւ քանի որ պատիժը մեղմացած է, հետեւաբար` հետադարձ ուժ ունօ: Էդիկ Գրիգորյանի դիմել էր հենց այդ խնդրանքով` ցմահ ազատազրկումը փոխարինել 20 տարով: Ի դեպ, այդ նույն խնդրանքով դատարան էին դիմել եւ մերժվել Նաիրի եւ Կարեն Հունանյանները:
Նոյեմբերի 14-ին կայացած դատական նիստին, որի ժամանակ մերժվել է Էդիկ Գրիգորյանի հայցը, ներկա չի եղել նրա փաստաբան Կարեն Աղաջանյանը, որին նիստի մասին տեղյակ չէին պահել: Սակայն նիստին մասնակցել է մեղադրող: Դրանով իսկ խախտվել է դատական հավասար մրցակցության սկզբունքը:
