2011 թվականի նոյեմբերի 20-ին Երեւանի Կոնգրես հյուրանոցի լեփ-լեցուն դահլիճում տեղի ունեցավ «Նոր ժամանակներ» կուսակցության ակտիվի հերթական ժողովը: Կուսակցության առաջնորդ Արամ Կարապետյանը հանգամանալից վերլուծության ենթարկեց Հայաստանին առնչվող ներքաղաքական եւ արտաքին քաղաքական զարգացումները: Հատկապես քաղաքական գնահատական տրվեց վերջին շրջանում իշխող վարչախմբի մի շարք բարձրագույն պաշտոնատար անձանց հրաժարականների իրողությանը: Բանախոսի համոզմամբ, այդ փոփոխությունները որեւէ կապ չունեն հայ ժողովրդի եւ Հայաստանի առջեւ ծառացած բազում հիմնախնդիրների լուծման հետ:
Խոսելով Եվրասիական Միության ընտանիքին Հայաստանի մաս կազմելու հիմնախնդրի մասին՝ Արամ Կարապետյանը միանշանակ համոզմունք հայտնեց, որ մեր երկիրն անվերապահորեն պետք է միանա 2011 թվականի նոյեմբերի 18-ին Մոսկվայում` Ռուսաստանի Դաշնության, Ղազախստանի եւ Բելոռուսի ղեկավարների կողմից «Եվրասիական տնտեսական միություն» ստեղծելու մասին արդեն ստորագրված հուշագրին:
«Նոր ժամանակներ» կուսակցության լրատվական ծառայություն
