Շիրակի մարզի Մուսայելյան համայնքի միջնակարգ դպրոցը խնդիրներ շատ ունի: Դպրոցը նորակառույց է: «Չունենք մարզադահլիճ, առանձին շախմատի համար նախատեսված դասարան, քիմիայի, ֆիզիկայի լաբորատորիաներ, դասասենյակների քանակը քիչ է, 12-րդ դասարանի աշակերտները դասն անցկացնում ենք միջոցառումների դահլիճում »,- ասում է դպրոցի տնօրեն Անահիտ Սարգսյանը: Չնայած դրան` 12-րդ դասարանի աշակերտուհի Հայկանուշ Ստեփանյանը հաճույքով է դասերին մասնակցում, ինքն է այդ մասին ասում, ոչ մի խնդիր չի տեսնում դահլիճում դաս անելու մեջ, իսկ նրա դասընկերուհի Մարիամ Հահոբյանը դժգոհում է. «Դահլիճում անհարմար է դաս անելը, ձայնը արձագանքում է, իսկ տղաներն էլ առիթից օգտվում են ու խանգարում»: Անդրադառնալով դպրոցի խնդիրներին` համակարգչային օպերատոր Արմենուհի Վարդանյանը նշեց, որ համակարգիչները շատ քիչ են, չեն բավարարում բոլոր աշակերտներին, սենյակն էլ շատ փոքր է:
Դպրոցում 1-4 դասարանների երեխաները սնվում են անվճար, այստեղ են հաճախում ոչ միայն տեղացի, նաև հարևան համայնքների` Սալուտի, Վարդաղբյուրի և Հարթաշենի երեխաները:
Ստելլա Հարությունյան
