ԲՀԿ-ն դիմել էր բուհերի ռեկտորներին, որ տան այն ուսանողների ցուցակները, որոնք բարձր առաջադիմություն ունեն եւ սոցիալապես անապահով են, որպեսզի դրամական օգնություն տրամադրի նրանց: Սակայն ռեկտորները մերժել էին ԲՀԿ-ին: Քաղաքագետ Հմայակ Հովհաննիսյանն այսօր «Վարկած» ակումբում ռեկտորների եւ ԿԳ նախարար Արմեն Աշոտյանի այդ քայլը մեկնաբանելով՝ իր խոսքում անընդհատ Աշոտյանի փոխարեն Էշոտյան էր ասում: Aravot.am-ը Հմայակ Հովհաննիսյանից փորձեց ճշտել՝ դիտավորյա՞լ է նախարարին Էշոտյան ասում, թե՞ ինչպես ասում են՝ լեզվի սայթաքում է. «Ասենք, լեզվի սայթաքում է, Սերժ Սարգսյանը ո՞նց է շը-տը-կել ասում, այնպես էլ ես եմ լեզվի սայթաքումներ թույլ տալիս»:
Մենք պարոն Աշոտյանին խնդրեցինք մեկնաբանել Հմայակ Հովհաննիսյանի «լեզվի սայթաքումները»: Ըստ նախարարի՝ «Կարծում եմ՝ Հմայակ Հովհաննիսյանը լավ կլինի, որ ստանա առողջապահության ոլորտի լավագույն մասնագետների կոնսուլտացիան»:
Հռիփսիմե ՋԵԲԵՋՅԱՆ
