Հայասերը հայհոյել է, իսկ շտաբի պետը կաթսայով հարվածել է շարքայինի գլխին
ՊՆ քննչական ծառայության 3-րդ կայազորային քննչական բաժնի կողմից Հայասեր Մարտիրոսյանի, Սերյոժա Իվանյանի եւ Զորիկ Զաքարյանի դեմ հարուցված քրեական գործը դեռ դատարանում է:
Հայասերը լինելով պաշտպանության նախարարության զորամասերից մեկի պարենային ծառայության պետ, «խիստ պետի տպավորություն» թողնելու նպատակով, ճաշարանից դուրս գալով՝ վիճել է 4-րդ հրաձգային գումարտակի 12-րդ վաշտի զինծառայող Սարգիս Մկրտչյանի հետ: Նա սեռական բնույթի հայհոյանքներ է տվել շարքայինին, հարվածել է նրա ձախ աչքին: Իսկ գումարտակի շտաբի պետ Սերյոժա Իվանյանն էլ, փոխարեն կանխեր վեճը, Մկրտչյանի գլխին հարվածել է ճաշարանի մետաղյա կաթսայով: Վաշտի հրամանատար, կապիտան Զորիկն էլ մի կողմից է միացել «խիստ պատասխանատուների» վեճին:
Ի դեպ, շարքայինն ունի բարձրագույն կրթություն, Հայրենասեր Մարտիրոսյանն էլ պարգեւատրվել է «Մարտական ծառայության», Իվանյանը՝ «Դրաստամատ Կանայանի» եւ «Մարշալ Բաղրամյանի» մեդալներով:
Կարդացեք նաև
Ռուզան ՄԻՆԱՍՅԱՆ
