Հենվելով Գեղարքունիքի մարզպետարանի տեղեկությունների վրա, հոկտեմբերի 28-ին տեղեկացրել ենք, որ հոկտեմբերի լույս 27-ի գիշերվա ընթացքում մարզի ողջ տարածքում ձյուն է եկել, ջերմաստիճանը իջել մինչեւ
-1: 1600-2000 մետր բարձրություններում կա ձյան մոտ 5 սմ ծածկույթ, բարձրլեռնային, 2000-2300 մետր բարձրություններում գտնվող համայնքներում, լեռներում ու լեռնանցքներում, ձյան շերտը գերազանցել 15 սանտիմետրը եւ արդյունքում մարզի հողագործները խնդիրներ ունեն. մոտ երկու հազար հեկտար ցանքերում դեռ մարդիկ չեն հասցրել ավարտել կարտոֆիլի, կաղամբի եւ ճակնդեղի բերքահավաքը:
Այսօր մարզպետարանից տեղեկացանք, որ անսպասելի ձյունը խնդիրներ չի հարուցել հողագործների համար, մարզի երկրագործները ստացել են 125 300 տոննա հացահատիկ, 255 100 տոննա կարտոֆիլ, 57 200 տոննա կաղամբ, 23 500 տոննա պտուղ:
Բացի սրանից, այս տարի մարզում կատարվել է 20 300 հեկտար հացահատիկի աշնանացան, ինչ նշանակում է, որ գալիք տարում մարզում հացի խնդիր չի:
Կարդացեք նաև
