Սանկտ – Պետերբուրգի Օրենսդիր ժողովը այսօր առաջին ընթերցմամբ հաստատեց ներկայացված այն նախագիծը, որով տուգանքներ են սահմանվել անչափահասների շրջանում արվամոլության եւ մանկապղծության քարոզչության համար, հաղորդում է Ռիա Նովոստին:
Օրինագծին կողմ է քվեարկել 37 պատգամավոր, գրանցվել է մեկ դեմ եւ մեկ ձեռնպահ:
Օրինագիծը առաջարկում է վարչական պատասխանատվության ենթարկել բոլոր նրանց, ում հրապարակային գործողություններն ուղղված են անչափահասների շրջանում արվամոլության եւ մանկապղծության խթանմանը: Որպես վարչական տուգանք գումարը կազմում է քաղաքացիների համար՝ հազարից երեք հազար ռուբլի, պաշտոնյաների համար՝ 3 հազարից 5 հազար ռուբլի, եւ իրավաբանական անձանց համար՝ 10 հազարից 50 հազար ռուբլի:
Ինչպես բացատրել է օրինագծի հեղինակ, պատգամավոր Վիտալի Միլոնովը, փաստաթուղթն ուղղված է ընտանեկան արժեքները պահպանելուն, որոնք դարերի ընթացքում երկրի համար եղել են առաջնային:
