Այսօր առավոտյան Չինաստանի հյուսիսային Գանսու նահանգի Ցինյան քաղաքում տեղի է ունեցել խոշոր ճանապարհատրանսպորտային պատահար: Վթարի է ենթարկվել մանկապարտեզի երեխաներին տեղափոխող ավտոբուսը:
Ըստ նախնական տվյալների, ավտովթարից զոհվել են 17 մանկահասակ երեխաներ եւ երկու մեծահասակներ: Չինաստանում դարձել են հաճախակի ճանապարհատրանսպորտային պատահարները, որոնք ուղեկցվում են բազմաթիվ զոհերով: Ըստ rbc.ru կայքի, դա պայմանավորված է ճանապարհների ծանրաբեռնվածությամբ եւ ավտոբուսների վատ տեխնիկական սպասարկմամբ: Այս տարվա նոյեմբերի 8- ին Չինաստանի հյուսիսում, դարձյալ ավտոբուսի վթարի հետեւանքով զոհվել էր 35 ուղեւոր:
