«Չինական լրատվամիջոցները կենտրոնական Չինաստանի խուլ գյուղերից մեկում գտել են Ռուսաստանի վարչապետ Վլադիմիր Պուտինի «երկվորյակին», – հաղորդում է «Ռիա Նովոստին»:
Lo Յուանպինը, որը 48 տարեկան է, ապրում է Չինաստանի Լունցզյուի գյուղում: Նա մի պարզ ու հասարակ գյուղացի է: Նրա նմանությունը Ռուսաստանի վարչապետին հայտնաբերել է տեղական թերթի թղթակիցը: Լուսանկարը թերթում հրապարակվելուց հետո այդ լուրն անմիջապես տարածվել է եւ Lo Յուանպինին սկսել են կոչել «Պուտինի եղբայր»:
«Ես առաջվա պես հողագործությամբ եմ զբաղվում եւ ոչինչ չի փոխվել»,- ասում է Lo Յուանպինը: Սակայն նա վստահ է, որ իր անսպասելի հեղինակությունը կօգնի հարմար կին գտնել, ամուսնանալ ու ընտանիք կազմել: Պուտինի «երկվորյակը» մտադիր է նաեւ կազմակերպել միջոցառումներ եւ ունենալ սեփական շոուն:
