Երեւանի նախկին քաղաքապետ Կարեն Կարապետյանի էջը Facebook սոցիալական ցանցում այլեւս չի գործում: Ինչպես հաղորդում է Մեդիամաքս-ը, այս պահին Facebook-ի ընթերցողները կարող են գտնել միայն Կարեն Կարապետյանին վերաբերվող Wikipedia-ից վերցրած կենսագրական տվյալների էջը: Մեդիամաքս-ը հիշեցնում է, որ մոտ 2 շաբաթ առաջ Կարեն Կարապետյանի էջի «պատը» փակվել էր այցելուների գրառումների համար, եւ գրառումներ կարող էր անել միայն նախկին քաղաքապետը: Կարեն Կարապետյանի էջը Facebook-ում ավելի քան 21 հազար ընթերցող ուներ:
