«Սա 300 հազար դոլարից մի քիչ պակաս գումար է, որը հաջողությամբ կարելի է քարոզչական նպատակների համար օգտագործել նախընտրական շրջանում»,- երեկ «Առավոտի» հետ զրույցում ահազանգ հնչեցրեց ՀԱԿ առողջապահական հանձնախմբի ղեկավար Արարատ Մկրտչյանը: Խոսքը արդեն երրորդ տարին պետբյուջեում ամրագրվող հակածխախոտային ծրագրի մասին է, որի համար նախատեսված գումարների տնօրինումը վստահված է ՀՀ նախագահի աշխատակազմին: «Բյուջեի կառավարման եւ ծախսման տեսանկյունից բավականին ոչ կոռեկտ է նման ծրագիրը»,- ասում է Արարատ Մկրտչյանը, ով չի բացառում, որ հենց 2012-ի բյուջեի նախագիծն էլ նախագահի համար կարող է դառնալ խորհրդարանը ցրելու լավագույն պատրվակը:
Կարդացեք
«Առավոտ» օրաթերթ
