«Մեր կայքում բոլոր այցելուները հնարավորություն ունեն ավելացնել ստատուսներ եւ անեկդոտներ: Ավելացնելուց հետո ձեր ստատուսը ստուգվում է եւ հաստատումից հետո հայտնվում կայքում: Խստիվ արգելվում է ավելացնել ստատուսներ մահվան մասին. օրինակ «քեզ մոռանալն անհնար է, քեզ չսիրելը հնարավոր չէ, ինչ անեմ՝ ասա անգին, ինչ բուժում գտնեմ իմ վերքերին. Միգուցե մահը օգնի ինձ, ով գիտի…», ասված է www.status4ka.am կայքում, որը կարծես թե նախատեսված է բոլորի համար:
«Status4ka»-ն հայկական կայք է, որտեղ հիմնականում «Odnoklassniki»-ի համար նախատեսված ստատուսներ են շրջանառվում՝ հումորային, սիրո, կյանքի, բանակի, տղաների ու աղջիկների եւ ամեն ինչի մասին. ոչ միայն հայերեն, այլեւ ռուսերեն ու անգլերեն լեզուներով: «Status4ka, Ո՞վ ասեց, որ չկա»,-հարցնում է կայքի ադմինիստրացիան:
Առանց մեկնաբանության ներկայացնում ենք «եղածներից» մի քանիսը:
«Հոգիս դարձավ պլանի տերեւ , լցինք քաշինք թռանք վերեւ, դարձանք ծովի ուռած մի նավ, ունենալով կարիք ու կայք, եւ բարձրացրի կասյակը վեր ու գոռացի կրակը բեեեեր»:
«Անկախությունը անվճար չի, այն արժե օրական մեկ զինվոր»:
«Ծննդյան օրերը նշվում են նրա համար, որպեսզի մեր ծանոթները կարողանան ազատվել այն անպետք իրերից, որ ստացել են իրենց ծննդյան օրը»:
«Ուշադրություն: Օրվա բացառիկ լուրերից մեկը: Սուգ է հայտարարվել Հոկտեմբերյանի գյուղերից մեկում, այրվում են «պլանի» բոլոր դաշտերը: Տոն էր հարեւան գյուղերում՝ քամին իրենց կողմն էր փչում»:
«Երեխան պարտադիր պետք է հաճախի մանկապարտեզ, գոնե մի երկու շաբաթ։ Դրանից հետո հանգիստ կարելի է բոլոր հյուրերին բացատրել, թե իրենց երեխան որտեղից է սովորել այդքան վատ բառերը»:
«Ես իմ կյանքը տեսնում եմ միայն սեւով` սեւ «իկռա», սեւ ծով, եւ սեւ լիմուզինով»:
«Իմ ընկերուհին ենքան չաղա, որ մասաժիստները մասաժ անելուց թիմերի են բաժանվում»:
«Եթե մեր նախագահը կին լիներ` ՀՀ-ն կվերանվաներ ՀՊՀ, այսինքն` Հայաստանի Պուպուշ Հանրապետություն»:
«Ինտերնետով զբաղվողները մտահոգված են, կյանք կա՞ արդյոք «offline» ռեժիմում»:
«Մանկությունը ավարտվում է այն ժամանակ, երբ ուզում ես որ երազանքներդ կատարի ոչ թե ձմեռ պապը, այլ ձյունանուշը»:
Այս ամենով հանդերձ՝ կայքի ադմինիստրացիան զգուշացնում է. «Շրջանակներից դուրս մի եկեք: Հարգեք մեր կայքի այցելուներին»:
Եվա ՀԱԿՈԲՅԱՆ
