Ամենահանրահայտ ինտերնետային ռեսռւրսներն ունեն այնպիսի անվանումներ, որոնք եթե ստեղծված լինեին ի սկզբանե հայերի կողմից ու նույն տրամաբանությամբ, ապա կստանայինք բավականին հետաքրքիր պատկեր: Վարդան Պապիկյանն իր բլոգում այս դիտարկումն անելով՝ բերում է մի քանի օրինակներ:
«YouTube – ԴուԽողովակ. մտածված է ամենայն ճշգրտությամբ, այնպես չէ՞: Դուք Ձեր խողովակներով ավելացրեք Ձեր մեդիա նյութերը: Խոսակցականում էլ հետաքրքիր է ստացվում: Օրինակ` մտի իմ ԴուԽողովակում նայի էրեկվա քեֆի վիդեոն:
Twitter – Ծլվլիչ, կամ Ծլվլիկ. ինչու չէ, ամբողջ օրը` ծլվլոցների մեջ: Խոսակցականում երեւի այսպես կլիներ` այցելեք իմ Ծլվլիկը եւ հետևեք ինձ 🙂
Yahoo! – Ուռաաա~… հենց ինքն է, որ կա: Մտածել են մի բան, իսկ անունը դրել լրիվ այլ բան: «Որտե՞ղ է քո էլեկտրոնային փոստի հասցեն» հարցին շատերը կպատասխանեին Ուռաաա~-ում:
Կարդացեք նաև
TechCrunch (հանրահայտ ՏՏ լրատվական կայք) – ԹեքՃռճռոց, այսինքն Թեքնոլոջիի ճռճռոցը, այն ինչի մասին ճռճռում է ամբողջ օրը տեխնոլոգիաների աշխարհը: Այս տրամաբանությամբ կարելի է ստեղծել էկոճռճռոց, գովազդճռճռոց եւ այլ ռեսուրսները:
Facebook-ի մասին էլ չեմ խոսում – դիմագիրք: տրամաբանությունն այս դեպքում համարյա համապատասխանում է բուն ռեսուրսի բնույթին – դեմքիդ գիրքը, որտեղ, մանավանդ Facebook-ի վերջին փոփոխություններից հետո, մենք անընդհատ գրում ենք մեր կյանքի մասին»:
