Լուսանկարը՝ ԱՎԵՏԻՔ ՀԱՐՈՒԹՅՈՒՆՅԱՆԻ
Ֆուտբոլի Հայաստանի մինչեւ 21 տարեկանների հավաքականը Եվրոպայի 2013 թվականի առաջնության ընտրական մրցաշարի շրջանակներում երեկ Վազգեն Սարգսյանի անվան հանրապետական ստադիոնում հյուրընկալեց Չեխիայի իր հասակակիցներին եւ պարտվեց 0:2 հաշվով: Խմբում չեխերը միանձնյա գլխավորեցին մրցաշարային աղյուսակը, իսկ Հայաստանը նահանջեց երրորդ հորիզոնական:
Ամբողջ խաղի ընթացքում հյուրերը թե խաղային, թե տարածքային առավելություն ունեին, սակայն դաշտի տերերը կարողանում էին դարպասն անառիկ պահել: Այդպես շարունակվեց մինչեւ 77-րդ րոպեն, երբ հյուրերին, այնուամենայնիվ, հաջողվեց գրավել Արսեն Պետրոսյանի դարպասը: Բաց թողած գոլից հետո Ռաֆայել Նազարյանի սաներն, ասես, մի տեսակ թեւաթափ եղան, ինչի արդյունքում արդեն ավելացված ժամանակում երկրորդ գնդակն ընդունեցին սեփական դարպասը:
ԼՈՒՍԻՆԵ ՂԱԶԱՐՅԱՆ, ՀՊՄՀ ուսանողուհի
«Առավոտ» օրաթերթ
Կարդացեք նաև
