Աջափնյակ եւ Դավիթաշեն վարչական շրջանների ընդհանուր իրավասության դատարանի դատավոր Դավիթ Բալայանի նախագահությամբ նոյեմբերի 9-ին շարունակվեց Երեւանի կայազորի զինվորական դատախազության կողմից Արկադի Սիրեկանյանի դեմ հարուցված քրեական գործի դատաքննությունը:
56 թերթից բաղկացած 1 հատորանոց քրեական գործը դատարանում է այս տարվա հոկտեմբերի 5-ից: Ըստ մեղադրական եզրակացության, Արմավիրի մարզի Հովտամեջ գյուղի բնակիչ, 1989թ. ծնված Արկադի Սիրեկանյանին մեղադրանք է առաջադրվել այն բանի համար, որ հանդիսանալով պայմանագրային զինծառայող, առանց հարգելի պատճառների ծառայության վայր չի ներկայացել:
Զինծառայողի նկատմամբ ընտրվել է ստորագրություն չհեռանալու մասին խափանման միջոցը:
«Առավոտ» օրաթերթ
