Երեկ Աջափնյակ եւ Դավիթաշեն վարչական շրջանների ընդհանուր իրավասության դատարանում, Դավիթ Բալայանի նախագահությամբ, շարունակվեց Կարինե Այվազյանի նկատմամբ հարուցված թիվ 69110209 քրեական գործի դատաքննությունը:
Ըստ մեղադրանքը պաշտպանող գլխավոր դատախազության, նախկինում չդատված, 42-ամյա Կարինե Այվազյանը շահադիտական նպատակներով Արմանուշ Զարգարյանին եւ 18 տարին չլրացած Թագուհի Ալիխանյանին ներգրավել է պոռնկության մեջ, տիրացել է նրանց կողմից մարմնավաճառությամբ վաստակած գումարին:
Այվազյանի նկատմամբ ընտրվել է խափանման միջոց՝ ստորագրություն չհեռանալու մասին:
Գործն անցյալ տարվա մայիսին մակագրվել էր փաստաբան Ռուբեն Ռշտունու դատավոր որդուն՝ Վազգեն Ռշտունուն:
Կարդացեք նաև
Անդրանիկ դատական նիստը եղել է անցյալ տարի՝ հունիսի 17-ին:
Այս տարվա մարտի 11-ին դատավորն ընդունել է ինքնաբացարկի միջնորդությունը, եւ գործը մարտի 15-ից Դավիթ Բալայանի վարույթում է:
Ռ. Մ.
«Առավոտ» օրաթերթ
