Թեեւ շախմատի Հայաստանի տղամարդկանց եւ կանանց ազգային հավաքականները Եվրոպայի թիմային առաջնությունում անմասն մնացին մեդալներից, այդուհանդերձ, մեր օլիմպիական չեմպիոն տղամարդկանց թիմի երեք անդամներ ըստ խաղատախտակների բարձր արդյունքներ ցույց տվեցին:
Թիմի առաջատար Լեւոն Արոնյանն 1-ին խաղատախտակի առջեւ մասնակցեց ութ տուրի եւ վաստակեց 5, 5 միավոր: Դա 38 թիմերի առաջատար շախմատիստների մեջ երկրորդ ցուցանիշն է:
Շատ լավ հանդես եկավ նաեւ բոլոր ինը հանդիպումներին մասնակցած Գաբրիել Սարգսյանը (4-րդ խաղատախտակ): Նա հավաքականի հաշվարկին բերեց 6,5 միավոր եւ նույնպես 2-րդը ճանաչվեց:
Կարդացեք նաև
Երրորդ խաղատախտակի առջեւ 3-րդ տեղը գրավեց Վլադիմիր Հակոբյանը` ութ պարտիայում վաստակելով 5,0 միավոր:
Աշոտ ՀԱԿՈԲՅԱՆ
