Երիտասարդության համաշխարհային տոնը տարբեր երկրներում տարբեր օր է նշվում, մի տեղ օգոստոսի 12-ին, մյուսում նոյեմբերի 10-ին: ՀՀ սպորտի և երիտասարդության հարցերի նախարարությունը այսօրը երիտասարդության միջազգային օր չի համարում, փոխնախարար Արսեն Քարամյանը այսօրվա աժիոտաժը կապում է 1945թ-ի նոյեմբերի 10-ին՝ Լոնդոնում Երիտասարդության համաշխարհային ֆեդերացիայի գիտաժողովի անցկացման հետ: Մեր նախարարությունը որոշել է Հայաստանում այդ երիտասարդներին շնորհավորել մայիսի 16-ին. 1919 թվականի հենց այդ օրը ստեղծվեց Երևանի պետական համալսարանը: Փոխնախարարը խոսեց ձեռքբերումների և առաջիկա ծրագրերի մասին, թվարկեց խնդիրներն ու վերջ: Մեկ էլ հիշեցրեց սկսելու են 360 բնակարանով համալիրի շինարարությունը: Բայց խնդիրը չի լուծվում, ամուր տանիք է ստանում ընդհամենը 580 երիտասարդ զույգ: Փոխարենը՝ Արսեն Քարամյանը առանձնացրել է երեք հիմնախնդիր` զբաղվածություն, որակյալ կրթություն և սոցիալական խնդիրներ: Մեկ ուրիշ ակումբում հանրային խորհուրդն է, խոսում են բուհերում նախնական զինվորական պատրաստվածության դասընթացներ անցկացնելու մասին, այն էլ 2012-ից: Մեղքներս ինչ, երկու տարի քիչ ենք ծառայում, մի բան էլ ուսումնական պրոցեսում: «Երիտասարդություն» հասարակական կազմակերպության նախագահ Գևորգ Մկրտչյանն էլ խոսում է մարզերից մայրաքաղաք եկող երիտասարդների խնդիրներից` տրանսպորտ, բնակարան, հավելյալ ծախսեր: Մերին հեռավոր Մարտունիից է, սովորում է Մանկավարժական համալսարանում, ապրում է վարձով, հետն էլ ձգտում ետ չմնալ կուրսընկերներից: Նրա կարծիքով՝ հանրակացարանը շատ ավելի նպատակահարմար կլիներուսանողի կեղշցության համար: Սա մի կողմ, իսկ գիտության ասպարեզում աշխատողները ավելացնելու բան չունեն, և դժգոհ են, և գոհ են, միևնույն ժամանակ երիտասարդության տոնից անտեղյակ: Կրտսեր գիտաշխատող Սաթիկ Մարուխյանը ամսական 45,000 դրամ է ստանում: Այնուամենայնիվ լավատես է:
Հայաստանում այսօր կա 16-ից 30 տարեկան 820 000 երիտասարդ: Նրանցից լավագույնն ընտրված խոհարարները, դերձակներն ու ատաղձագործները առավոտյան մրցեցին, 21 հաստատություններ, 90 ուսանող, երեք խումբ ու երեքական մասնակից, ներկա էր վարչապետ Սարգսյանը:
Այսօրը դատարկաձեռն չմնացին նաև ՀԱԿ երիտասարդները, իրենց տոնը շնորհավորեցին ֆլեշ-մոբով, պաստառներով ու ազատ անկախ Հայաստան գոչելով: Երիտասարդ են մեղադրելու ու մտածելու շատ բան ունեն, մտքերը էլ պաստառների վրա ամրագրված:
ՄԱԿ-ի հրապարակած «Աշխարհի երիտասարդություն» զեկույցի համաձայն, երկրագնդում ապրում են 1,2 միլիարդ երիտասարդներ` 15-ից 24 տարեկան: Ողջ աշխարհի աշխատունակ մարդկանց մեկ երրորդը երիտասարդներն են:
Մենք էլ ենք երիտասարդ, մենք էլ ունենք խնդիրներ, մենք էլ ունենք հետաքրքրություններ ու պահանջներ ու բնական է մեկ գերխնդիր` լինել Ձեր ուշադրության կենտրոնում, հաղորդել ամենահրատապն ու դինամիկը` լինի աշակերտ, ուսանող, թե կրտսեր գիտաշխատող: Մեր հասակակիցների խնդիրները բոլորինս են, մարզից մինչև մայրաքաղաք, տանից մինչև լսարան: Այնուամենայնիվ այսքանից հետո եկեք ոչ թե շնորհավորենք միմյանց, այլ սպասենք նոյեմբերի 17-ին, որը բոլորիս կողմից երկար սպասված ուսանողության տոնն է, տոն, որը մեր կյանքի մի շրջանի ամփոփ նկարագիրն է, երբ հիշում ես, ինչպիսին էիր տարիներ առաջ:
«Առավոտի» երիտասարդ՝ Դավիթ Դավիթյան
