Թաթուլ
Երեւանում գործող մոտ 450 ռեստորաններում ամենից շատ ռաբիս է հնչում, պատճառը ոչ թե երաժշտական մյուս ժանրերի պակասն է, այլ այցելուների նախասիրությունը. այս մասին Aravot.am-ի հետ զրույցում նշեցին ռեստորանների աշխատակիցները: Պարզվում է՝ ռաբիսն էլ լավ ու վատ ունի, ռեստորանասեր հասարակությունն էլ՝ ռաբիսի սիրված կատարող: Հասարակության շրջանում անցկացրած մեր հարցախույզը համընկավ «օբյեկտների» պատասխանատուների այն պնդումներին, թե այսօր ռաբիս երգի հայտնի կատարող Թաթուլ Ավոյանն ամենապահանջվածն ու ամենասիրվածն է ոչ միայն ռեստորաններում, այլեւ հարսանիքներում եւ այլ միջոցառումներում: Ի դեպ, այս տեսակետը հայտնեցին նաեւ այն «օբյեկտներից», որտեղ Թաթուլը չի էլ երգում:
Երիտասարդների մեծամասնությունը կողմ է, որ իրենց հարսանիքին երգի Թաթուլ Ավոյանը՝ անկախ իրենց երաժշտական նախասիրություններից:
Իսկ ամենից շատ ո՞ր երգն է գրավում թաթուլասեր հասարակությանը. պարզվեց՝ դրանք մի քանիսն են. քանի տարի էլ անցնի, միեւնույն է, Թաթուլի «Սրտի բանալին» եւ «Իմ ախպերը» երգերը միշտ արդիական են:
Ռաբիս երգիչների ԹՈՓ 12-ը ըստ Aravot.am-ի հարցախույզի հետեւյալն է.
12. Ուզբեկ
11.Արտաշ Ասատրյան
10. Տիգրան Ժամկոչյան
9. Արմենչիկ
8. Ֆիլե Գագո
7. Կլարնետիստ Հովո
6. Գոջի
5. Վլե
4. Շավո
3. Թաթա
2. Սպիտակցի Հայկո
1. Թաթուլ
Եվա ՀԱԿՈԲՅԱՆ
